Қарғалы Аруы-2017
Көктемнің алғашқы күндерімен бірге көңілге қуаныш ала келетін 8 наурыз мерекесі қарсаңында Қарғалы аудандық жастар ресурстық орталығының басшысы А.Айжарықовтың ұйымдастыруымен 16-29 жас аралығында «Қарғалы Аруы-2017» байқауы өтті. Мектебімізден бастауыш сынып мұғалімі Курбангалиева Роза Куанышовна қатысып,жоғары дәрежелі өнер көрсеткені үшін «Кербез ару» номинациясымен марапатталды. Халықаралық әйелдер күнінің қарсаңында өткізілген осындай сайыстар қыздарымыздың өнерін паш етуге,халық алдына шығуға және де өн бойына жиған таланттарын көрсетуге таптырмас мүмкіндік.Оның куәсі мектебімізден қатысып отырған қыздарымыздың өнерлері...Осындай жастардың арқасында мектебіміздің мәртебесі асқақтай түседі.
